Qazaqstan Respýblıkasy Bas prokýratýrasynyń buıryǵy  №113 

  2016 jylǵy 22 maýsym, Astana qalasy Memlekettik qyzmetke kir keltiretin tártiptik teris qylyqtar jasaǵan adamdardy esepke alýdy júrgizý qaǵıdalaryn bekitý týraly «Memlekettik quqyqtyq statıstıka jáne arnaıy esepke alý týraly» Qazaqstan Respýblıkasynyń 2003 jylǵy 22 jeltoqsandaǵy Zańynyń 12-baby 3-tarmaǵynyń 11-1) tarmaqshasyna sáıkes, «Prokýratýra týraly» Qazaqstan Respýblıkasynyń 1995 jylǵy 21 jeltoqsandaǵy Zańynyń 11-baby 4-1) tarmaqshasyn basshylyqqa ala otyryp buıyramyn: 1. Qosa berilip otyrǵan Memlekettik qyzmetke kir keltiretin tártiptik teris qylyqtar jasaǵan adamdardy esepke alýdy júrgizý qaǵıdalary bekitilsin. 2. «Sybaılas jemqorlyq quqyq buzýshylyq jasaǵany úshin tártiptik jaýaptylyqqa tartylǵan adamdardy esepke alý jónindegi nusqaýlyqty bekitý týraly» Qazaqstan Respýblıkasy Bas Prokýrorynyń mindetin atqarýshy 2015 jylǵy 20 aqpandaǵy № 36 buıryǵynyń kúshi joıyldy dep tanylsyn (Normatıvtik quqyqtyq aktilerdi memlekettik tirkeý tiziliminde № 10347 bolyp tirkelgen, 2015 jylǵy 13 naýryzda «Ádilet» aqparattyq-quqyqtyq júıesinde jarııalanǵan). 3. Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti (budan ári – Komıtet): 1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi; 2) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy; 3) osy buıryqtyń kóshirmesin ony alǵan kúnnen bastap kúntizbelik bes kún ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankinde ornalastyrý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 4) osy buıryqty Qazaqstan Respýblıkasy Bas prokýratýrasynyń ınternet-resýrsynda ornalastyrýdy; 5) osy buıryqty oryndaý úshin quqyqtyq statıstıka jáne arnaıy esepke alýdyń múddeli sýbektilerine, sondaı-aq Komıtettiń aýmaqtyq organdaryna joldaýdy qamtamasyz etsin. 4. Osy buıryqtyń oryndalýyn baqylaý Komıtet Tóraǵasyna júktelsin. 5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Bas Prokýrory J.ASANOV Qazaqstan Respýblıkasy Bas Prokýrorynyń 2016 jylǵy 22 maýsymdaǵy №113 buıryǵymen bekitilgen Memlekettik qyzmetke kir keltiretin tártiptik teris qylyqtar jasaǵan adamdardy esepke alýdy júrgizý qaǵıdalary 1-taraý. Jalpy erejeler 1. Osy Qaǵıdalar memlekettik qyzmetke kir keltiretin tártiptik teris qylyqtar jasaǵan adamdardy esepke alýdy júrgizýdiń biryńǵaı tártibin belgileıdi (budan ári – Qaǵıdalar). 2. Memlekettik qyzmetke kir keltiretin tártiptik teris qylyqtar jasaǵan adamdardy esepke alýdy Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti (budan ári – Komıtet) «Qazaqstan Respýblıkasynyń memlekettik qyzmeti týraly» 2015 jylǵy 23 qarashadaǵy Qazaqstan Respýblıkasynyń Zańyn (budan ári – Zań) iske asyrý maqsatynda derekter bankin júrgizý arqyly júzege asyrady. 3. О́z ókilettikteri sheginde Zań talaptarynyń oryndalýyn jáne onda kózdelgen tártiptik sharalardyń qoldanylýyn qamtamasyz etetin quqyqtyq statıstıka jáne arnaıy esepke alý sýbektileri osy Qaǵıdalar talaptarynyń saqtalýyn baqylaýdy júzege asyratyn Komıtettiń aýmaqtyq organdaryna (budan ári – aýmaqtyq organdar) aqparattyq esepke alý qujattaryn ýaqytyly usynady. 4. Memlekettik qyzmet týraly zańnamaǵa sáıkes, memlekettik qyzmetke kir keltiretin tártiptik teris qylyqtar jasaǵan barlyq memlekettik qyzmetkerler esepke alýǵa jatady. 2-taraý. Memlekettik qyzmetke kir keltiretin tártiptik teris qylyqtar jasaǵan adamdardy esepke alýdy júrgizýdiń tártibi 5. Memlekettik qyzmetke kir keltiretin tártiptik teris qylyqtar jasaǵan adamdardy esepke qoıýǵa olardyń Zańnyń 50-babynda kórsetilgen memlekettik qyzmetke kir keltiretin tártiptik teris qylyqtar jasaý faktisi, sonymen qatar adamdy jaýaptylyqqa tartý týraly memlekettik organ basshysy (laýazymdy tulǵa) aktisiniń nemese memlekettik qyzmetshilerdiń tártiptik jaýaptylyǵyn qaraýǵa ýákiletti tıisti komıssııalardyń sheshimderiniń bolýy negiz bolady. 6. Memlekettik organnyń kadr qyzmeti (olardy almastyrýshy tulǵalar) memlekettik qyzmetke kir keltiretin tártiptik teris qylyqtar jasaǵany úshin adamdy jaýaptylyqqa tartý deregi boıynsha tártiptik jaza qoldaný týraly akti (sheshim) shyǵarylǵan sátten bastap úsh jumys kúni ishinde memlekettik qyzmetke kir keltiretin tártiptik teris qylyqtar jasaǵan adamdy esepke alý kartochkasyn bir danada, osy Qaǵıdalardyń 1-qosymshasyna sáıkes №1-DP nysanyn (budan ári – kartochka), mindetti túrde tártiptik jaza qoldanǵany týraly rastaýshy qujattardyń kóshirmeleri men tartylǵan adamnyń jeke kýáliginiń kóshirmesin qosa otyryp aýmaqtyq organdarǵa joldaıdy. 7. Qyzmeti áskerı nemese kóliktik prokýrordyń qadaǵalaýyndaǵy memlekettik organdar men laýazymdy tulǵalar kartochkany, tıisinshe, Komıtettiń áskerı nemese aýmaqtyq kóliktik basqarmasyna joldaıdy. 8. Kartochkanyń derektemelerinde kelesi aqparat toltyrylady: 1) memlekettik qyzmetke kir keltiretin tártiptik teris qylyqtardy jasaǵan adam jumys isteıtin nemese odan shyǵarylǵan organnyń ataýy; 2) memlekettik qyzmetke kir keltiretin tártiptik teris qylyqtardy jasaý faktisin anyqtaǵan memlekettik organnyń ataýy; 3) memlekettik qyzmetke kir keltiretin tártiptik teris qylyqtardy jasaǵan adamnyń vedomstvolyq tıesiligi; 4) jasalǵan tártiptik teris qylyqtyń qysqasha fabýlasy (naqty mazmuny bolýy, sózderdiń qysqartylýyna jáne Zań babynyń nómirin nemese onyń ataýyn ǵana engizýge jol berilmeıdi); 5) memlekettik qyzmetke kir keltiretin tártiptik teris qylyqtyń Zań normalaryna sáıkes saralanýy; 6) tártiptik jaza qoldaný týraly aktiniń (sheshimniń) nómiri, shyǵarylǵan kúni, tártiptik jaýaptylyqqa tartý týraly aktini shyǵarǵan tulǵanyń TAÁ (ákesiniń aty bolǵan jaǵdaıda) jáne laýazymy; 7) qoldanylǵan jaza sharasy; 8), 9), 10), 11) memlekettik qyzmetke kir keltiretin tártiptik teris qylyqty jasaǵan adamnyń anyqtamalyq derekteri; 12), 13) memlekettik qyzmetke kir keltiretin tártiptik teris qylyqty jasaǵan adamnyń jumys orny men laýazymy. 9. Kartochkaǵa memlekettik qyzmetke kir keltiretin tártiptik teris qylyqtardy jasaǵan adam jumys isteıtin nemese odan shyǵarylǵan organnyń basshysy jáne kadr qyzmetiniń jaýapty tulǵasy (olardy almastyrýshy tulǵalar) qol qoıýy tıis. Basshy men jaýapty tulǵa óziniń tegin, laýazymyn jáne kartochkany toltyrǵan kúnin kórsetedi. 10. Kartochkanyń derektemeleri baspa áripterimen, kók nemese qara sııamen, óshirýsiz jáne túzetýlersiz nemese baspa tásilimen toltyrylady. Esepke alýǵa jatatyn adamnyń tegi, aty jáne ákesiniń aty bas áriptermen engiziledi. Onyń jumys orny jáne laýazymy, sondaı-aq organnyń ataýy qysqartýsyz engiziledi. 11. Toltyrylǵannan keıin kartochka resmı aqparattyq esepke alý qujaty bolyp tabylady. Oǵan qol qoıǵan adam Qazaqstan Respýblıkasynyń ákimshilik quqyq buzýshylyq týraly zańnamasynda jáne Qazaqstan Respýblıkasynyń qylmystyq zańnamasynda belgilengen tártipte kórineý jalǵan málimetterdi engizgeni úshin jaýapty bolady. 12. Aýmaqtyq organǵa kartochkalardyń qaǵaz nusqasy kelip túskennen keıin, aýmaqtyq organnyń qyzmetkeri mindetti túrde kartochkanyń, rastaıtyn qujattardyń jáne jeke kýáliginiń grafıkalyq kóshirmesin sala otyryp, 2 jumys kúni ishinde derektemelerdiń durys jáne tolyq toltyrylýyn tekseredi jáne derekter bankine kartochkany engizýdi júzege asyrady. Engizilgennen keıin, kartochka jáne rastaýshy qujattar osy Qaǵıdalarda belgilengen tártipte aýmaqtyq organda saqtaýǵa jatady. 13. Osy Qaǵıdalardyń talaptary buzylyp toltyrylǵan tolyq emes jáne durys emes málimetteri bar nemese belgilenbegen úlgidegi blankilerdegi kartochkalar tirkelmeıdi jáne kelip túskennen keıin 1 jumys kúni ishinde olardy qoıǵan organǵa kemshilikterdi joıý úshin keri qaıtarýǵa jatady. Kelip túskennen bastap úsh jumys kúni ishinde pysyqtalǵan kartochkalar aýmaqtyq organǵa esepke qoıý úshin qaıta joldaýǵa jatady. 14. Memlekettik qyzmetke kir keltiretin tártiptik teris qylyqtardy jasaǵan adamdar týraly málimetter, jumystan shyǵarý túrindegi tártiptik jaza qoldanylǵan adamdar týraly málimetterdi qospaǵanda, jaza qoldanylǵan sátten bastap úsh jyl ishinde saqtaýǵa jatady. Memlekettik qyzmetke kir keltiretin tártiptik teris qylyqtardy jasaǵany úshin jumystan shyǵarylǵan adamdar týraly málimetter turaqty túrde saqtalady. 15. Memlekettik qyzmetke kir keltiretin tártiptik teris qylyqtardy jasaǵany úshin adamdy jaýaptylyqqa tartý týraly sheshim ózgertilgen nemese kúshin joıǵan jaǵdaıda, kadr qyzmeti (olardy almastyrýshy tulǵalar) úsh jumys kúni ishinde aýmaqtyq organǵa eki danada osy Qaǵıdalardyń 2-qosymshasyna sáıkes, osy fakti boıynsha mórmen rastalǵan habarlamany, oǵan qosa rastaýshy materıaldardy eki danada joldaıdy, sonymen qatar ony anyqtaǵan organǵa habarlaıdy. Memlekettik qyzmetke kir keltiretin tártiptik teris qylyqtardy jasaǵany úshin adamdy jaýaptylyqqa tartý týraly sheshimniń ózgerýin nemese kúshin joıýyn rastaıtyn materıaldyń bir danasyn jáne habarlamanyń bir danasyn aýmaqtyq organ Komıtetke usynady, bul Komıtettiń ortalyqtandyrylǵan esepke alý derekterine túzetýler engizýine negiz bolady. Habarlama men materıaldardyń qaǵaz danalary kelip túskennen keıin, osy esepke alýdy júrgizýge jaýapty Komıtet qyzmetkeri 1 jumys kúni ishinde túzetýdi júrgizedi. 3-taraý. Esepke jatqyzý negizderi 16. Esepke alý boıynsha tekserýge memlekettik qyzmetke kirýge úmitker, sonymen qatar qoldanystaǵy zańnamaǵa sáıkes adamǵa qatysty ózge de tekserý is-sharalaryn júrgizgen kezdegi barlyq adamdar jatady. Blankilerdiń nysandary, olardy toltyrý jáne esepke alýlar boıynsha tekserý úshin joldaý tártibi, sondaı-aq oryndaý merzimderi Qazaqstan Respýblıkasy Bas Prokýrorynyń 2014 jylǵy 10 shildedegi №71-buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 9638 sanymen tirkelgen) Arnaıy esepke alýdyń jekelegen túrlerin júrgizý men paıdalanýdyń Qaǵıdalarynda belgilengenmen birdeı. Adamdar týraly aqparatty suratý aqparattyq servıs arqyly Komıtettiń «Jeke tulǵaǵa talap» portalynda júzege asyrylady. Quqyqtyq statıstıka jáne arnaıy esepke alý sýbektilerin osy portalda tirkeý múmkindigi bolmaǵan jaǵdaıda, málimetterdi alý árbir tekserýshi tulǵaǵa jeke resimdelgen talapty Komıtetke jáne onyń aýmaqtyq organyna joldaý arqyly júrgiziledi. 17. Anyqtamalyq derekterin ózgertken azamattar týraly ishki ister organdarynan kelip túsken málimetterdi aýmaqtyq organdardyń qyzmetkerleri bes jumys kúni ishinde memlekettik qyzmetke kir keltiretin tártiptik teris qylyqtar jasaǵan adamdardy esepke alý boıynsha tekseredi. Saýalnamalyq derekterin ózgertken azamattarǵa qatysty málimetter bolǵan jaǵdaıda, derekter qorynda «ózge de saýalnamalyq derektemeleri bar» belgisi qoıylyp, tıisti derekter kórsetiledi. Memlekettik qyzmetke kir keltiretin tártiptik teris qylyqtar jasaǵan adamdardy esepke alýdy júrgizý Qaǵıdalaryna 1-qosymsha Nysan Memlekettik qyzmetke kir keltiretin tártiptik teris qylyqtar jasaǵan adamdardy esepke alý kartochkasy (№1-DP nysandy) 1. ______________________________________________________________________________ (memlekettik qyzmetke kir keltiretin tártiptik teris qylyqtardy jasaǵan adam jumys isteıtin nemese odan shyǵarylǵan organnyń ataýy) 2. Memlekettik qyzmetke kir keltiretin tártiptik teris qylyqty jasaý faktisin anyqtaǵan memlekettik organ ______________________________________________________________________________ _______________________________________________________________________________ (organnyń ataýy) 3. Jasady: ákim (01), sot organdarynyń qyzmetkeri (03); quqyq qorǵaý organdarynyń qyzmetkeri: prokýratýra (05), ishki ister (06), sybaılas jemqorlyqqa qarsy qyzmet (48), ekonomıkalyq tergep-tekserý qyzmetteri (47); arnaýly memlekettik organdardyń qyzmetkeri: UQK (11), memlekettik kúzet qyzmeti (49), «Syrbar» syrtqy barlaý qyzmeti (50); organdar qyzmetkeri-áskerı qyzmetshi: QM (12), UQK shekara qyzmeti (14), áskerı prokýratýra (51), memlekettik kúzet qyzmeti (52),Ulttyq ulan (15), áskerı polısııa (53), áskerı kontrbarlaý (57); mınıstrlikter qyzmetshisi: ádilet (16), qarjy (17), bilim jáne ǵylym (19), aýyl sharýashylyq (20), syrtqy ister (21), mádenıet jáne sport (28), ulttyq ekonomıka (54), ınvestısııalar jáne damý jónindegi (55), densaýlyq saqtaý jáne áleýmettik damý (23), energetıka (56), memlekettik qyzmet isteri jónindegi (35), aqparat jáne kommýnıkasııa (36); ákimdik jáne onyń qurylymdyq bólimsheleriniń qyzmetshisi (41); ózge de memlekettik qurylymdardyń qyzmetshisi (42). 4. Jasalǵan tártiptik teris qylyqtyń qysqasha fabýlasy ______________________________ ________________________________________________________________________________ ________________________________________________________________________________ 5. «Qazaqstan Respýblıkasynyń memlekettik qyzmeti týraly» QR Zańynyń 50-babynyń normalaryna sáıkes memlekettik qyzmetke kir keltiretin tártiptik teris qylyqtyń saralanýy ___ tarmaǵy ___tarmaqshasy. 6. «____»_______ 20__ jylǵy № ____ tártiptik jaza qoldaný týraly akti (sheshim). ________________________________________________________________________________ ________________________________________________________________________________ (tártiptik jaýaptylyqqa tartý týraly aktini shyǵarǵan tulǵanyń TAÁ (ákesiniń aty bolǵan jaǵdaıda) jáne laýazymy) 7. Jaza sharasy qoldanyldy: laýazymynan bosatý (01), laýazymynan tómendetý (02), qyzmetke tolyq emes sáıkestigi týraly eskertý (03). 8. Memlekettik qyzmetke kir keltiretin tártiptik teris qylyqtardy jasaǵan adam týraly málimetter TEGI ATY ÁKESINIŃ ATY (bar bolsa) 9. Týǵan kúni «____» _______________ _____ j. JSN /_/_/_/_/_/_/_/_/_/_/_/_/ 10. Týǵan jeri ___________________________________________________________________ 11. Turǵylyqty (tirkelgen) mekenjaıy______________________________________________ 12. Jumys orny _________________________________________________________________ 13. Laýazymy ___________________________________________________________________ 14. Kartochkany toltyrǵan adamnyń laýazymy, tegi, qoly ______________________________ ________________________________________________________________________________ 15. Toltyrý kúni «____» _________________ 20____ j. 16. Basshysynyń tegi, qoly ________________________________________________________ 17. Aýmaqtyq organda tirkelgen kúni «__» ___________ 20__ j. Materıaldyń № __________ 18. Kartochkany tirkegen aýmaqtyq organ qyzmetkeriniń laýazymy, tegi, qoly ________________________________________________________________________________________________________________________________________________________________________________________________________________________________________________ Eskertý: kartochka resmı statıstıkalyq qujat bolyp tabylady; oǵan qol qoıǵan tulǵalar kórineý jalǵan málimetterdi engizgeni úshin Qazaqstan Respýblıkasynyń ákimshilik quqyq buzýshylyq týraly zańnamasynda jáne Qazaqstan Respýblıkasynyń qylmystyq zańnamasynda belgilengen tártipte jaýapty bolady. Memlekettik qyzmetke kir keltiretin tártiptik teris qylyqtar jasaǵan adamdardy esepke alýdy júrgizý Qaǵıdalaryna 2-qosymsha Nysan Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti Kóshirme: _____________­­______________________________ oblysynyń aýmaqtyq organyna Memlekettik qyzmetke kir keltiretin tártiptik teris qylyqtardy jasaǵany úshin adamdy jaýaptylyqqa tartý týraly sheshimdi ózgertý (kúshin joıý) týraly HABARLAMA 1. Tegi __________________________________________________________________________ 1.1 Aty _________________________________________________________________________ 1.2 Ákesiniń aty (bolǵan jaǵdaıda)__________________________________________________ 1.3 Týǵan kúni «____» _________________ _____ j. 2. Qoldanylǵan jaýaptylyq sharasy týraly málimetter_______________________________ _______________________________________________________________________________ _________________________________________________________________________________ (jaýaptylyqqa tartý negizin, túrin jáne kúnin kórsetý) 3. Qabyldanǵan sheshimdi ózgertý (kúshin joıý) týraly málimetter:_______________________ ______________________________________________________________________________ __________________________________________________________________________________ (qabyldanǵan sheshimdi ózgertý (kúshin joıý) týraly sheshimniń negizin jáne qabyldanǵan kúnin kórsetý) 4. Sheshim qabyldaǵan organnyń ataýy: ______________________________________________ ________________________________________________________________________________ ________________________________________________________________________________ 5. Habarlamany qurǵan adamnyń laýazymy, tegi jáne qoly _____________________________ ________________________________________________________________________________ ________________________________________________________________________________ 6. Qurastyrý kúni «___» __________ 20__ j. MO Buıryq Qazaqstan Respýblıkasynyń Ádilet mınıstrliginde 2016 jylǵy 25 shildede Normatıvtik quqyqtyq kesimderdi memlekettik tirkeýdiń tizilimine №13977 bolyp engizildi.